La UCO atopa "cero mensaxes" nel móvil del fiscal xeneral ente'l 8 y el 14 de marzo

Sánchez cree que l'informe de la UCO exonera al fiscal xeneral y tienen de pidir esculpes

La Unidá Central Operativa (UCO) de la Guardia Civil atopó "0 mensaxes" nel móvil del fiscal xeneral del Estáu, Álvaro García Ortiz, ente'l 8 y el 14 de marzu, periodu nel que se filtró presuntamente información de la investigación por fraude del noviu d'Isabel Díaz Ayuso.

Los investigadores unviaron al xuez del Tribunal Supremu Ángel Hurtado'l so informe sobro'l material analizáu tres el rexistru al despachu del fiscal xeneral del Estáu, practicáu'l pasáu 30 d'ochobre, na investigación por presunta revelación de secretos.

El xuez Hurtado, que llevantó esti xueves el secretu de sumariu sobro esti informe, investiga si García Ortiz o la fiscal xefe provincial de Madrid, Pilar Rodríguez, unviaron a la prensa'l corréu nel que la defensa del empresariu Alberto González Amador, noviu de la presidenta madrilana, almitió un fraude a Facienda énte'l fiscal que lu investiga pa tratar de llegar a un alcuerdu.